"Лос-Анжелес" клубига мухлислик қилувчи машҳур актёр Оуэн Уилсон аргентиналик Лионель Мессининг МЛСга ўтиши ҳақида гапирди. 36 ёшли ҳужумчи ёзда "Интер Майами"га ўтган эди.
“Кичиклигимда Пеле АҚШга келган. Бу жуда муҳим нарса деб ҳисобланган. Лео мисолида, туйғу бир хил. Балки бу трансфер янада муҳимроқдир. Месси аллақачон МЛСга таъсир ўтказа бошлаган. У катта шов-шув яратди. Кўпчилик футбол ўйинларига боришни бошлади. Ҳатто онам ҳам бунга қизиқиб қолди”, - деди актёр.
Месси "Интер Майами" билан 2025 йил охиригача шартнома имзолади. Аргентиналик футболчи 11 та ўйинда майдонга тушиб, 11 та гол урган ва 5 та голли узатмани амалга оширган.
