"Los-Anjeles" klubiga muxlislik qiluvchi mashhur aktyor Ouen Uilson argentinalik Lionel Messining MLSga o‘tishi haqida gapirdi. 36 yoshli hujumchi yozda "Inter Mayami"ga o‘tgan edi.

“Kichikligimda Pele AQSHga kelgan. Bu juda muhim narsa deb hisoblangan. Leo misolida, tuyg‘u bir xil. Balki bu transfer yanada muhimroqdir. Messi allaqachon MLSga ta’sir o‘tkaza boshlagan. U katta shov-shuv yaratdi. Ko‘pchilik futbol o‘yinlariga borishni boshladi. Hatto onam ham bunga qiziqib qoldi”, - dedi aktyor.

Messi "Inter Mayami" bilan 2025 yil oxirigacha shartnoma imzoladi. Argentinalik futbolchi 11 ta o‘yinda maydonga tushib, 11 ta gol urgan va 5 ta golli uzatmani amalga oshirgan.