"Ливерпуль"нинг собиқ сардори Жордан Хендерсон нима учун ёзда жамоани тарк этишга қарор қилганини айтди. Эслатиб ўтамиз, англиялик хавбек Саудия Арабистонидан "Ал-Иттифоқ"га кўчиб ўтганди.
“Юрген билан жуда яхши муносабатдаман, у менга нисбатан ҳалол эди. Тафсилотларни ошкор қилмайман, лекин шуни айтаманки, суҳбатдан сўнг кўп ўйнамаслигимни ҳис қилдим. Менинг позициямга янги футболчилар келишини билардим. Бу умуман кетишга мажбур бўлганимни англатмайди, лекин ҳеч ким менинг қолишимни истамаган”, деди Хендерсон The Athletic нашрига берган интервьюсида.
