"ПСЖ"ни тарк этган испаниялик ҳимоячи Серхио Рамос "Севилья"га қайтди. Футболчи Андалусия клуби матбуот хизмати билан суҳбатда ўзининг трансфери ҳақида фикр билдирди.
"Бу мен учун алоҳида лаҳза. Уйга қайтиш ҳар доим ёқимли. Ҳаётимдаги энг гўзал кунлардан бири. Орзуларимни амалга ошириб, 18 йилдан кейин уйга қайтганимдан бахтиёрман. Маҳаллий мухлислар билан учрашишни сабрсизлик билан кутаман. Клуб раҳбариятига ишонч учун миннатдорчилик билдираман. Юрагим буни хоҳлади", - деди 37 ёшли футболчи.
Серхио "Севилья" клуби билан 2024 йилнинг июнига қадар шартнома имзолади.
