Нидерландия терма жамоасининг собиқ бош мураббийи Луи ван Гал Аргентина терма жамоасининг ЖЧ-2022 ғалабасини режалаштирилган деб ҳисоблайди. Жаҳон чемпионатининг 1/4 финалида аргентиналиклар ван Гал бошчилигидаги Нидерландияни мағлуб этишди.
"Мен бу ҳақда кўп гапиришни хоҳламайман. Аргентина қандай голлар урганини ва биз қандай гол урганимизни, шунингдек, аргентиналик футболчиларнинг қандай қилиб чизиқни кесиб ўтгани ва натижада жазоланмай қолганига қарасангиз, менимча, ҳаммаси олдиндан режалаштирилган эди. Сцнарий бўйича Месси жаҳон чемпиони бўлиши керак эди" - деди Ван Гал.
