Ҳимоячи Аарон Ван-Биссака яқин келажакда «Манчестер Юнайтед» билан янги шартнома имзолаши мумкин.
25 ёшли футболчининг амалдаги меҳнат шартномаси 2024 йилнинг июнь ойи охиригача амал қилади. Клуб шартномани яна бир мавсумга узайтириш ҳуқуқига эга бўлсада, «қизил иблислар» Ван-Биссака билан узоқ муддатли шартнома тузишни афзал кўрмоқда. Музокаралар жараёни аллақачон бошланган.
Ван-Биссака 2019 йилнинг ёзидан буён «Манчестер Юнайтед»да ўйнамоқда. Ўшандан бери ҳимоячи 164 та ўйин ўтказиб, иккита гол урган ва шерикларига 12 голли узатма берган.













