"Ювентус" ва Италия терма жамоаси ярим ҳимоячиси Мануэль Локателли "адзурра"нинг собиқ бош мураббийи Роберто Манчини билан муносабатлари ҳақида гапирди.
"У Евро-2020да ғалаба қозонгани учун миннатдорчилик билдириш керак, аммо энди биз келажакка қарашимиз керак. Агар охирги ўйинларда нега терма жамоада ўйнамаганим ҳақида гапирадиган бўлсак, бу менинг айбим, деб ўйлайман. Манчини билан гаплашдим, лекин унда қандайдир ғоялар бор эди, менда эса бошқалар. Нимадир бузилди", - деди Локателли Pazzi di Fanta билан суҳбатда.
Эслатиб ўтамиз, август ойида Манчини Италия терма жамоаси бош мураббийлигидан кетган, шундан сўнг Саудия Арабистони терма жамоасини қабул қилиб олди. Мутахассис 2018 йилнинг майидан 2023 йилнинг августигача "Скуадра Адзурра"ни бошқарган ва 2020 йилги Европа чемпионатида ғолиб чиққан.
