Махачқалъанинг "Анжи" клуби бош мураббийи Гус Хиддинк ушбу мавсумдан сўнг фаолиятини якунлаши ҳақидаги хабарларга изоҳ берди.

"Голландиянинг етакчи телеканалларининг журналистлари менинг меҳмоним бўлишди, "Анжи" ҳақида лавҳа тайёрладилар, ҳар доим биз билан бирга юришди ва мен ўз келажагим ҳақида фалсафий мушоҳадалар ёзилган 20 дақиқали интервью тайёрладилар. Шунда "... балки, мавсум тугагач, фаолиятимни якунларман" деган ярим дақиқали лавҳани нимагадир қирқиб олишибди. Мен шунчаки вариантларни санаган эдим. Сенсация шундан бошланган. Қароримни эса баҳорда қабул қиламан. Ёки ёзда.

Менинг "Анжи" билан тузган шартномам чемпонат охиригача тузилган. Унда шартномани узайтириш мумкилиги ҳақида банд бор. Буни ҳар иккала томон - клуб ва мен ҳал қиламиз. Улар "Раҳмат, Гус, сен дам олишинг керак" дейишлари керак ёки мен: "Болалар, кучим қолмади" дейишим мумкин. Воқеалар қандай ривожланади? Ким билади? Ҳозирча бунга баҳо беришга жуда эрта", - дея Хиддинкнинг сўзларни келтиради "Спорт-экспресс".