Аргентина футбол ассоциацияси (AFA) президенти Клаудио Тапиа ҳужумчи Лионель Мессини ЖЧ-2026да кўрмоқчи.

"Ҳа, мен Мессини 2026 йилги жаҳон чемпионатида тасаввур қила оламан ва у ерда ўйнашини истардим. Ўз маълумотлари билан у 2026 йилги жаҳон чемпионатида бемалол ўйнаши мумкин. У ўзи хоҳлаган позицияда ўйнайди, чунки у ҳақиқатан ҳам бунга қодир. Ҳаммаси унинг нима истаётганига боғлиқ бўлади, лекин, албатта, мен буни орзу қиламан", - деди Тапиа.

ЖЧ-2022 финалида аргентиналиклар Франциянинг мағлуб этишди (3:3, пенальтилар - 4:2). 35 ёшли аргентиналик футболчи Аргентина терма жамоаси сафида 7 та ўйинда майдонга тушиб, 7 та гол урди ва 3 та голли узатмани амалга оширди. Турнирнинг энг яхши футболчиси сифатида ҳам эътироф этилди.