"Барселона" бош мураббийи Тито Виланованинг фикрича, "Реал" билан очколар фарқи ҳеч нимани англатмас экан, дея хабар беради испан матбуоти.
Эслатиб ўтамиз, каталонияликлар "Қироллик клуби"дан 11 очкога илгарилаб кетишган. Бундан ташқари "Атлетико" Моуриньо шогирдларидан 8 очко олдинда бормоқда.
"Реал"ни 14 ёки 16 очко ортда қолдирган тақдиримизда ҳам бу жамоа билан курашни тугади, деб ҳисобламайман. Бундан ташқари 14-турдан сўнг фарқ 8тага тушиши мумкин. Шунинг учун майдонга фақат ғалаба учун тушиш керак", - дейди Виланова.
14-тур доирасидаги Мадрид дербиси ҳақидаги саволга Виланова шундай жавоб берди: "Ўйиндан сўнг матбуот анжуманида бўламан, кейин эса, ҳар доимгидай кечки овқатга ўтираман. Шунинг учун ушбу ўйинни кузатмоқчи эмасман".
