"Брайтон"да тўп тепадиган Ирландия терма жамоаси ҳужумчиси Эван Фергюсон Англия Премьер-лигасининг бошқа клубига ўтиши мумкин.
Inews журналистларининг ёзишича, 18 ёшли ирландиялик футболчининг хизматларига "Манчестер Сити" қизиқиш билдирмоқда. Эван жамоанинг ҳужум чизиғида Эрлинг Холандга шерик сифатида қаралмоқда. “Шаҳарликлар” ҳужумчининг қишки трансфер ойнасида ўтишини расмийлаштиришга ҳаракат қилади.
Фергюсон жорий мавсум Англия Премьер-лигасида 4 та ўйинда майдонга тушиб, 4 та гол урди. Ҳужумчининг шартномаси 2028 йилнинг ўрталарига қадар мўлжалланган. Унинг трансфер нархи 30 миллион еврога баҳоланмоқда.
