"Челси"нинг собиқ ярим ҳимоячиси Кристиан Пулишич ўтган ёзда "Лион"га ўтиши мумкин эди, аммо америкалик футболчи "Милан"га ўтишни талаб қилди. Бу ҳақда Calcio Mercato нашри хабар бермоқда.
Манбага кўра, "Челси" Пулишични айнан Францияга сотмоқчи бўлган, чунки "Лион" трансфер учун кўпроқ пул таклиф қилган. Шунга қарамай, вингернинг ўзи Италия клубини танлади.
Жорий мавсумда 24 ёшли Пулишич "Милан" сафида учта ўйин ўтказиб, иккита гол уришга муваффақ бўлди. Айни дамда А Сериянинг 3 турида 9 очко жамғарган “россонерилар” турнир жадвалида “Интер” билан қўшҳокимлик ўрнатган.
