"Ювентус" бош мураббийи Массимилиано Аллегри ярим ҳимоячи Адриен Рабьони жамоада сақлаб қолмоқчи.
La Gazzetta dello Sport нашри хабарига кўра, "кекса синьора" устози франциялик футболчи билан шартномани узайтиришни устувор вазифалардан бири сифатида белгилаган.
Эслатиб ўтамиз, ёзда Рабьо "Ювентус" билан шартномасини якунлаган эди, аммо "кекса синьора" Адриенни бир йиллик шартнома имзолашга кўндира олганди. Франциялик футболчига Англия Премьер-лигаси клублари қизиқиш билдираётганди, аммо футболчи якунда "Ювентус"да қолди.
Рабьо А Сериянинг янги мавсумида учта ўйин ўтказиб, битта гол урди.
