"Барселона" ва Германия терма жамоаси дарвозабони Марк-Андре тер Штеген терма жамоадаги рақобат ҳақида фикр билдирди.
Тер Штеген кўп йиллар давомида Мануэль Нойернинг ўринбосари бўлган, аммо "Бавария" дарвозабони жароҳати туфайли тер Штеген асосий танловга айланди.
"Мен терма жамоада биринчи рақамли дарвозабонман. Мен бу лаҳзани анчадан бери кутгандим, энди эса бу имкониятдан фойдаланмоқчиман. Мен буни шундай сақлаб қолиш учун қўлимдан келганини қиламан.
Нойер билан рақобат, у қачон қайтади? Мануэль реабилитациянинг қайси босқичида эканлигини билмайман. Унинг майдонга қайтганини кўрдим, бу мени жуда хурсанд қилди. Бундай оғир жароҳатдан сўнг, энг муҳими, унинг майдонга қайтиши. Умид қиламанки, у яна футболдан завқ олади. Мен бу нарсаларга таъсир қила олмайман. Мен бунга кучимни сарф қилолмайман ва истамайман ҳам. Мураббийга нима қилишни айта олмайман. Мен бор эътиборимни кейинги икки ўйинда майдонда кўрсата олишимга қаратганман", — деди тер Штеген Bayern & Germany билан суҳбатда.
