"Астон Вилла"нинг бразилиялик ярим ҳимоячиси Филиппе Коутиньо Қатарнинг "Ал-Дуҳайил" клубига ўтишга яқин турибди.
90min нашри маълум қилишича, агар келишув муваффақиятли амалга ошса, "Барселона" "Астон Вилла"нинг фойдасидан ярмини олади. Эслатиб ўтамиз, 31 ёшли футболчи 2018 йилдан 2022 йилгача Каталония клубига тегишли эди.
Англия Премьер-лигасининг жорий мавсумида Коутиньо икки учрашувда майдонга тушди. Эслатиб ўтамиз, футболчи жами 24 дақиқа майдонда ўтказди ва гол урмади.
Бразилиялик футболчининг "Астон Вилла" билан шартномаси 2026 йилгача мўлжалланган. Transfermarkt портали Коутиньонинг нархини 10 миллион еврога баҳоламоқда.
