"Барселона" марказий ҳимоячиси Иньиго Мартинес жамоасининг жорий мавсумдаги мақсадлари ҳақида гапирди.
32 ёшли футболчи июль ойида каталонияликлар сафига эркин агент сифатида келиб қўшилган эди. У аввал Бильбаонинг “Атлетик” клубида беш ярим йил ўйнаган.
“Бундай имкониятлар тез-тез учрамайди. Мен узоқ вақтдан бери ўйнаяпман, менга ўзгариш керак эди. Ёшимни ҳисобга олсак, “Барселона”дан келган таклифни қабул қилиш қийин бўлмади.
Ҳозир бор эътиборимизни Ла Лигага қаратганмиз, аммо Чемпионлар лигасида ғалаба қозониш учун ҳаракат қилишимиз кераклиги аниқ. Жамоада кўплаб ёш футболчилар бор ва биз Чемпионлар лигасида ғалаба қозониш қанчалик қийинлигини биламиз, аммо бизнинг таркибимиз билан буни амалга оширишимиз мумкин. Биз қўлимиздан келганини қиламиз”, - деди Мартинес Sport нашрига берган интервьюсида.
