"Барселона"нинг собиқ футболчиси Мартин Монтойя Жоау Канселунинг ўйини ҳақида гапирди.
Каталония клуби португалиялик ўнг қанот ҳимоячисини жорий мавсум охиригача "Манчестер Сити"дан ижарага олди.
"Дунёда Канселу каби тўпни назорат қила оладиган ҳимоячилар жуда кам", - деди Монтойя. "Жоау менга Дани Алвесни жуда кўп эслатади, лекин у кучлилиги бўйича ундан ўзиб кетади, шунингдек, индивидуал курашларда ҳам жуда тез ва яхши", - дейди "Барселона" тарбияланувчиси.
Жоау Канселу яқинда Ла Лига доирасида "Осасуна"га қарши ўйинда каталонияликлар сафида дебют қилишга муваффақ бўлди.
