Миланнинг "Интер" клуби собиқ ҳимоячиси Далберт Европани тарк этиб, Бразилия чемпионатига йўл олди. 29 ёшли ҳимоячи "Интернасьонал" клуби билан шартнома имзолади.
Клуб матбуот хизмати хабарига кўра, футболчи жамоага эркин агент сифатида келиб қўшилган. Далберт бразилияликлар билан шу йил охиригача мўлжалланган қисқа муддатли шартнома имзолади.
Ҳимоячининг сўнгги Европа клуби "Кальяри" бўлган. Далберт жамоа сафида 31 та ўйин ўтказиб, иккита голли узатмани амалга оширди ва 9 та сариқ карточка олди.
"Интернасьонал"нинг навбатдаги ўйини 14 сентябрь куни "Сан-Паулу"га қарши бўлади.
