Аргентина ва Эквадор терма жамоалари ўртасидаги ЖЧ-2026 учун биринчи давра учрашувида ҳимоячи Лисандро Мартинес майдонга туша олмайди. Эслатиб ўтамиз, "Манчестер Юнайтед" сафида АПЛнинг сўнгги ўйинида Мартинес алмаштирилган эди.
"У оғриқни ҳис қилди ва эҳтиёт чораси сифатида алмаштирилди. Шифокорлар уни текширишди ва у ўзини яхши ҳис қилмоқда. Биз таваккал қилишимиз шарт эмас, вазиятни баҳолаймиз. Мартинесдан Эквадорга қарши ўйинда фойдаланиш биз томондан жуда шошқалоқлик бўларди. Кўрамиз, иккинчи ўйин нима бўлади", - деди Аргентина терма жамоаси бошқарувчиси Лионель Скалони журналистларга.
Саралашнинг иккинчи турида Аргентина терма жамоаси Боливияга қарши баҳс олиб боради.
