"Манчестер Юнайтед" ярим ҳимоячиси Софьян Амрабат Марокаш терма жамоасининг бўлажак ўйинларида иштирок этмайди.
27 ёшли футболчи жароҳат олган, шу сабабли улар ярим ҳимоячини таркибдан чиқариб ташлашга қарор қилишган, деб хабар бермоқда Марокаш терма жамоаси матбуот хизмати. Қайдномадаги бўш жойни Яҳё Жабран эгаллайди.
Софьян Амрабат сентябрь ойининг биринчи кунида "Фиорентина"дан ижара асосида "Манчестер Юнайтед"га ўтган эди. “Қизил иблислар” футболчини сотиб олиш ҳуқуқига эга.
9 сентябрь куни Марокаш терма жамоаси Либерияга қарши майдонга тушса, уч кундан кейин Буркина-Фасолик рақиблар билан тўқнаш келади.
