"Барселона" ва Дания терма жамоаси марказий ҳимоячиси Андреас Кристенсен қўшимча дам олди.
27 ёшли футболчи данияликларнинг Евро-2024 саралаши доирасидаги Сан-Маринога қарши бугунги ўйинда асосий таркибга киритилмаганди. Журналист Тони Хуанмарти хабарига кўра, ўйиндан бироз олдин “Барселона” Дания футбол федерацияси вакиллари билан боғланиб, Кристенсенни майдонга туширмасликни сўраган. Гап шундаки, марказий ҳимоячи орқа мушаклардаги ноқулайликни бошдан кечирмоқда.
Футболчининг 10 сентябрь куни бўлиб ўтадиган Финляндияга қарши навбатдаги ўйинда майдонга тушиши ҳозирча аниқ эмас.