"ПСЖ" ярим ҳимоячиси Марко Асенсио Испания терма жамоаси сафида 2024 йилги Европа чемпионати саралаш турнири доирасидаги ўйинда жароҳат олди. Ярим ҳимоячи Грузияга қарши ўйиннинг биринчи бўлими охирида жароҳат олиб, майдонни тарк этишга мажбур бўлди.
Эслатиб ўтамиз, учрашув испанияликларнинг 7:1 ҳисобидаги йирик ғалабаси билан якунланган эди. “Қизил фурия” саралаш турнирида учта ўйин ўтказиб, олти очко жамғарди. Луис де ла Фуенте шогирдлари ўз гуруҳида иккинчи ўринда.
Испанияликлар навбатдаги ўйинни 12 сентябрь куни Кипр терма жамоасига қарши ўтказишади.
