8 сентябрь куни кечқурун Марокашда кучли зилзила содир бўлди.
Ла Лига матбуот хизмати Испания чемпионатининг расмий сайтида Марокашдаги мавжуд вазият юзасидан баёнот эълон қилди.
Хабарда айтилишича, Ла Лига ва Сегунданинг бўлажак туридаги барча ўйинлар Африка мамлакатида юз берган кучли зилзила қурбонлари хотирасига бир дақиқалик сукут билан бошланади.
«Биз барча клублар номидан самимий ҳамдардлик билдирмоқчимиз», — деб ёзди лига матбуот хизмати.
Ла Лиганинг 5-тури 15 сентябрь куни «Райо Вальекано» – «Алавес» учрашуви билан бошланади.
