Бир неча ҳафта давом этган музокаралардан сўнг парижликларнинг икки футболчиси Марко Верратти ва Юлиан Дракслер Қатар чемпионатига ўтиш бўйича келишувга эришди, деб хабар бермоқда L'Equipe.

Нуфузли нашрнинг ёзишича, италиялик ярим ҳимоячи Марко Верратти Франция пойтахтида ўн йилдан кўпроқ фаолият олиб борганидан сўнг яқин кунларда “Ал-Арабий”га ўтади. Ярим ҳимоячи ўзининг шахсий шартномаси шартларини келишиб олди, икки клуб ўртасидаги келишув бир неча кун аввал тузилган. Хабар қилинишича, трансфер суммаси 40-50 миллион еврони ташкил қилади. Бироқ Верратти ҳали тиббий кўрикдан ўтиши керак.

Бундан ташқари, Верраттининг ҳозирги жамоадоши, германиялик вингер Юлиан Дракслер ҳам Қатар чемпионатига ўтади. Немис футболчиси ҳам парижликлар мураббийлар штаби режаларига киритилмаган ва бу трансфер борасида тўлиқ келишувга эришилган "Ал-Аҳли" (Доҳа) клубига ўтиши керак.