Германия терма жамоаси қаторасига 5та ўйинда ғалаба қозона олмаяпти.
Бугун Ханс-Дитер Флик шогирдлари Япония билан ўртоқлик учрашувида 1:4 ҳисобида мағлуб бўлди.
Германия терма жамоаси сўнгги 5 учрашувнинг 4 тасида мағлуб бўлди. Шунингдек, бу даврда жамоа бир марта дуранг ўйнади. Бу ўйинларнинг умумий ҳисоби 6:13. Уларнинг барчаси ўртоқлик мақомига эга эди.
Аввалроқ Германия футбол ассоциацияси Фликга миллий терма жамоанинг рақобатбардошлигини намойиш этиш учун иккита ўйин бергани – қониқарсиз натижалар қайд этилган тақдирда у ишдан бўшатилиши мумкинлиги ҳақида хабар берилганди. Япония билан ўйин улардан биринчиси бўлди.
12 сентябрь куни Германия терма жамоаси навбатдаги ўртоқлик ўйинида Францияга қарши майдонга тушади.