Germaniya terma jamoasi qatorasiga 5ta o‘yinda g‘alaba qozona olmayapti.
Bugun Xans-Diter Flik shogirdlari Yaponiya bilan o‘rtoqlik uchrashuvida 1:4 hisobida mag‘lub bo‘ldi.
Germaniya terma jamoasi so‘nggi 5 uchrashuvning 4 tasida mag‘lub bo‘ldi. Shuningdek, bu davrda jamoa bir marta durang o‘ynadi. Bu o‘yinlarning umumiy hisobi 6:13. Ularning barchasi o‘rtoqlik maqomiga ega edi.
Avvalroq Germaniya futbol assosiasiyasi Flikga milliy terma jamoaning raqobatbardoshligini namoyish etish uchun ikkita o‘yin bergani – qoniqarsiz natijalar qayd etilgan taqdirda u ishdan bo‘shatilishi mumkinligi haqida xabar berilgandi. Yaponiya bilan o‘yin ulardan birinchisi bo‘ldi.
12 sentyabr kuni Germaniya terma jamoasi navbatdagi o‘rtoqlik o‘yinida Fransiyaga qarshi maydonga tushadi.
