Куала-Лумпурда Осиёнинг элит ҳакамлар гуруҳига кирган 39 нафар ёрдамчи ҳакамлар учун семинар бошланди. Ҳакамлар орасида ўзбекистонлик ҳакамлар ҳам бор.

Шунингдек, Австралия, Бангладеш, Ҳиндистон, Эрон, Малайзия, Мальдив, Мьянма, Покистон, Сингапур, Шри-Ланка, Таиланд ва Вьетнам давлатларидан ташриф буюрган ассистентлар "Мукаммалликка интилиб" деб номланган 4 кунлик курсларда қатнашишади.

ОФК бош котиби ўринбосаралри Ҳасан ас-Сабоҳ курсни очиб берди. Семинарга Набору Ишияма (Япония), Муҳаммад Родзали Якоб (Малайзия), Ганесан Маниам (Сингапур), Жон Чиа (Сингапур) ва Равичандран Чаппанимуту (Малайзия) инструкторлик қилишади.

Иштирокчилар семинар давомида жисмоний тайёргарлик, ўйин қоидалари бўйича синовлардан ўтишади, офсайд вазиятлари бўйича ўйинлар таҳлилини ўтказишади ва амалий машғулотларда иштирок этишади.

Курслар иккига бўлинган ҳолда ўтказилади. 1-4 декабрь кунлари АСЕАН ва Шарқий Осиё мамлакатлари, 5-8 декабрь кунлари куни эса Марказий ва Ғарбий Осиё мамлакатлари ҳакамлари семинарда иштирок этишади.

Ўзбекистонлик ёрдамчи ҳакамлар - Рафаэль Илёсов, Маъмур Саидқосимов, Жаҳонгир Саидов, Абдуҳамидулло Расулов ва Ҳусниддин Шодмонов 4 декабрь куни Куала-Лумпурга етиб боришади ва курслар якунига етгач, 9 октябрь куни Тошкентга қайтишади