Мадриднинг “Реал” клуби “Манчестер Сити” ҳужумчиси Хулиан Альваресга қизиқиш билдирмоқда.
"Қироллик клуби" ёзда "Ал-Иттиҳод"га кўчиб ўтган Карим Бенземанинг ўрнини босадиган юлдуз билан шартнома имзолагани йўқ. Fichajes фикрига кўра, "Реал Мадрид" Альваресни яқинлашиб келаётган трансфер ойналарида қўлга киритишга ҳаракат қилиши мумкин. Қайд этилишича, Аргентина терма жамоаси ҳужумчиси номзодини “Лос-Бланкос” бошқарувчиси Карло Анчелотти қўллаб-қувватламоқда.
Хулиан Альварес жорий мавсум “Манчестер Сити” сафида 6 та ўйинда майдонга тушиб, 2 та гол урди ва битта голли узатмани амалга оширди. Transfermarkt экспертлари 23 ёшли футболчининг нархини 60 миллион еврога баҳоламоқда.
