Madridning “Real” klubi “Manchester Siti” hujumchisi Xulian Alvaresga qiziqish bildirmoqda.
"Qirollik klubi" yozda "Al-Ittihod"ga ko‘chib o‘tgan Karim Benzemaning o‘rnini bosadigan yulduz bilan shartnoma imzolagani yo‘q. Fichajes fikriga ko‘ra, "Real Madrid" Alvaresni yaqinlashib kelayotgan transfer oynalarida qo‘lga kiritishga harakat qilishi mumkin. Qayd etilishicha, Argentina terma jamoasi hujumchisi nomzodini “Los-Blankos” boshqaruvchisi Karlo Anchelotti qo‘llab-quvvatlamoqda.
Xulian Alvares joriy mavsum “Manchester Siti” safida 6 ta o‘yinda maydonga tushib, 2 ta gol urdi va bitta golli uzatmani amalga oshirdi. Transfermarkt ekspertlari 23 yoshli futbolchining narxini 60 million yevroga baholamoqda.