"Милан" вингери Кристиан Пулишич клубга қўшилганидан кейинги дастлабки ойлар қандай ўтгани ҳақида гапирди.
Июль ойида "россонерилар" 24 ёшли футболчини "Челси"дан 20 миллион евро эвазига сотиб олганди. Америкалик футболчи А Сериянинг учта ўйинида иккита гол урди ва август ойида жамоанинг энг яхши футболчиси деб топилди.
“Мен "Милан"га керакли вақтда келганман. Бу мен учун фаолиятимни қайта бошлаш учун ажойиб имконият, бу менга жуда ёқди. Энди мен буни давом эттиришим керак. Мен келажакка ижобий кўз билан қарайман", - дея Пулишичнинг АҚШ жамоаси матбуот анжуманида сўзларини келтирган журналист Альфредо Педулла.
