"Манчестер Юнайтед"да асосий таркибга кира олмаётган ҳужумкор ярим ҳимоячи Жэйдон Санчо Германия Бундеслигасига қайтиши мумкин. Англиялик вингер хизматларига унинг собиқ жамоаси Дортмунднинг "Боруссия" клуби қизиқмоқда.
The Sun журналистларининг хабарларига кўра, "асаларилар" раҳбарияти Жэйдонни қишки трансфер ойнасида қўлга киритишни истамоқда. 23 ёшли футболчининг нархи 45 миллион еврога баҳоланмоқда. Унинг “қизил иблислар” билан шартномаси 2026 йилнинг июнигача мўлжалланган.
Англия Премьер-лигасининг жорий мавсумида Санчо учта ўйин ўтказди ва самарали ҳаракатлар амалга ошира олмади.
