Бош мураббий Хави Эрнандес "Барселона" билан яхшиланган шартлар асосида янги шартнома имзолайди.

Мутахассиснинг клуб раҳбарияти билан келишуви ҳақида аввалроқ хабар берилган эди. Журналист Луис Рохонинг хабарига кўра, Хави "Барселона" билан шартномасини аввал кутилганидек 2026 йилгача эмас, балки 2025 йилгача узайтиради. Шунингдек, мураббийнинг маоши ҳозиргига нисбатан икки баравар оширилиши қайд этилган.

Хави Эрнандеснинг "Барселона" билан амалдаги шартномаси жорий мавсум охирида якунига етади. 43 ёшли мутахассис Каталония жамоасини 2021 йилнинг ноябридан буён бошқариб келмоқда.

16 сентябрь куни “Барселона” Ла Лига доирасида ўз майдонида “Бетис”га қарши баҳс олиб боради.