Испания терма жамоаси бош мураббийи Луис де ла Фуэнте вингер Марко Асенсионинг жароҳати ҳақидаги саволга жавоб берди.
27 ёшли футболчи Грузия терма жамоасига қарши кечган баҳсда (7:1) ўйиннинг 44-дақиқасида алмаштирилганди.
“Асенсионинг жароҳати жиддий кўринмади. Кўрамиз, бундан кейин кейинги текширувлар қандай бўлади", - деди де ла Фуэнте. Яқин вақтлар ичида "Реал"нинг собиқ футболчиси "ПСЖ" қароргоҳида тиббий кўрикдан ўтади.
Испания терма жамоасида Марко Асенсио ўрнига "Барселона"дан Ферран Торрес чақирилди. 12 сентябрь куни испанлар ўз уйларида Кипр терма жамоасини қабул қилишади.
