"Манчестер Юнайтед" қанот ҳужумчиси Антони машғулотлардан четлаштирилганини эълон қилди. Маълумки, собиқ севгилиси бразилиялик футболчини оиладаги зўравонликда айбламоқда.
"Менга қўйилган айбловларни кўриб чиқаётиб, "Манчестер Юнайтед" билан маълум муддатга келишиб олдим. Бу жамоадошларимни чалғитмаслик ва клуб учун кераксиз мунозаралар яратмаслик учун ўзаро қарор эди", - деди Антони ўз баёнотида.
Аввалроқ, Антони ушбу жанжал туфайли Бразилия терма жамоасидан сентябрь ойидаги йиғинга киритилмаганди.
