Сув полоси бўйича Ўзбекистон ёшлар терма жамоаси (эркаклар) бугун ўзининг жаҳон чемпионатидаги иккинчи ўйинини ўтказди. Александр Соколов шогирдларига руминиялик ватерполочилар рақиблик қилишди.

Ўйин тенгкурашлар остида, ўта қизғин кечди. Биринчи бўлимда ҳисоб тенг бўлди - 3:3. Иккинчи ва учинчи бўлимларда ташаббус европаликлар томонида бўлди ва улар 3:1, 3:2 ҳисобида устун келиб, умумий ҳисобни 9:6га етказиб олишди. Сўнгги бўлимда вакилларимиз 2:0 ҳисобида ғалаба қозонишди ва ўйинда дуранг учун битта гол етмай қолди.

Кеча спортчиларимиз Тринидад ва Тобагони 19:16 ҳисобида мағлуб этишганди. Руминия эса бунгача битта мағлубият ва битта ғалабага эришганди. Демак, бу руминларнинг иккинчи ғалабаси бўлди.

Гуруҳнинг иккинчи ўйинида Греция Эронни 16:5 ҳисобида мағлуб этди.

Ёшлар ўртасида жаҳон чемпионати
Эркаклар. "С" гуруҳи.

1-кун. 1 декабрь, шанба
Греция - Руминия - 8:5
Тринидад ва Тобаго - Эрон - 7:9

2-кун. 2 декабрь, якшанба
Ўзбекистон - Тринидад ва Тобаго - 19:16
Руминия - Эрон - 11:4

3-кун. 3 декабрь, душанба
Ўзбекистон - Руминия - 8:9
Голлар: Кирилл Рустамов (4та), Алексей Зайцев (2та), Миразиз Қосимов, Егорь Чумаченко
Греция - Эрон - 16:5

4-кун. 4 декабрь, сешанба
Ўзбекистон - Греция
Тринидад ва Тобаго - Руминия

5-кун. 5 декабрь, чоршанба
Ўзбекистон - Эрон
Греция - Тринидад ва Тобаго

Гуруҳда 1-ўринни олган жамоа тўғридан-тўғри чорак финал йўлланмасини қўлга киритса, 2 ва 3-ўринни олган жамоалар чорак финалга чиқиш учун ўтиш баҳсида иштирок этишади.