Лоран Блан энди “Лион” бош мураббийи эмас. Клубнинг расмий сайтида айтилишича, клуб ва 57 ёшли мутахассис ўзаро келишувга кўра шартномани бекор қилган.
Блан бошчилигида “Лион” янги Франция чемпионатини ёмон бошлади. Жамоа тўртта турда фақат битта очкони қўлга кирита олди. “Лион” Лига 1 турнир жадвалида сўнгги ўринни эгаллаб турибди.
"Лион" Бланга қилган иши учун миннатдорчилик билдирди ва келгуси фаолиятида омад тилади.
“Лион” Франция чемпионатининг навбатдаги ўйинини 17 сентябрь, якшанба куни ўз майдонида “Гавр”га қарши ўтказади.
