Англия терма жамоаси бош мураббийи Гарет Саутгейт Шотландия терма жамоаси билан бўладиган ўртоқлик учрашувидан олдин фикрлари билан ўртоқлашди.

“Биз ўйинга жисмонан янгича ёндашишимиз керак. Шотландияга қараганда бир кун камроқ тайёргарлик кўрдик. Тажриба, баъзи ўйинчилар билан танишиш, ғалаба қозониш, яхши ўйнаш - Англияда биздан кутиладиган одатий нарсалар. Биз юқори савияли жамоа билан ўйнаймиз, улар қўлидан келганини қилади ва бизга ҳақиқатан ҳам жиддий вазифалар беради. Сиз (таркиб билан) кўп тажриба ўтказа олмайсиз, бу кулгили бўларди", - дея мураббийнинг сўзларини келтиради ESPN.

12 сентябрь куни Глазгода Англия ва Шотландия терма жамоалари ўртасидаги ўртоқлик учрашуви бўлиб ўтади. Тошкент вақти билан 23.45 да учрашув бошланади.