Мадриднинг "Реал" клуби бош мураббийи Жозе Моуриньо Чемпионлар лигаси гуруҳ босқичининг сўнгги турида "Аякс"га қарши ўйин олдидан жамоа таркиби ҳақида маълум қилди.
Шунингдек, Россиялик легионер Денис Черишевнинг заҳира ўриндиғида ўтиришини айтиб ўтди.
"Адан, Начо, Роналду, Бензема ва Куэнтран бошланғич таркибда тушадилар. Серхио Рамос ва Хаби Алонсолар тушмайдилар, чунки уларнинг сариқ карточкалари бор. Мен уларни плэй-оффнинг биринчи ўйинига қўймоқчиман.
Яхши ўйин бўлишини кутяпман, Адан ва Начоларга босим тушмайди, шунингдек, Денис Черишев ва Альваро Мораталар заҳира ўриндиғида имкониятларини кутадилар. Биз ғалаба қозонишга ҳаракат қиламиз. "Аякс" Евролигада қатнашиш учун ҳаракат қилади ва биз ғалаба қозониш учун бор кучимизни сарфлашимиз керак", - дея Португалиялик мутахассиснинг сўзларини келтиради УЕФА расмий сайти.