Италия терма жамоаси бош мураббийи Лучано Спалетти ЕВРО-2024 саралаш босқичи 6-турида Украина терма жамоаси билан бўлажак ўйиндан умидлари билан ўртоқлашди.
“Украина жамоаси? Бу македонияликларга қараганда анча уюшган жамоа. Украиналиклар тўпга эгалик қилишда қайси позицияларда ўйнашлари кераклиги ҳақида аниқ тасаввурга эга. Ўйлайманки, улар ўз ҳаракатларини тезкор қарши ҳужумларга асослашга ҳаракат қилишади. Уларнинг Англияга урган голига қаранг. Уларнинг ҳимоясида эшик очиш учун тўпни ўзимизда ушлаб туришимиз керак", - дея Спалетти сўзларини келтирмоқда УАФ расмий сайти.
Эслатиб ўтамиз, аввалги ўйинда Италия терма жамоаси Шимолий Македония билан дуранг ўйнаганди (1:1). Украина терма жамоаси эса ўз навбатида Англия билан жаҳон чемпионатида дурангга эришди (1:1).
Украина терма жамоаси ва Италия ўртасидаги ўйин 12 сентябрь куни Тошкент вақти билан соат 23:45да бошланади.
