Transfermarkt футболчилар учун энг кўп пул сарфлаган 10 нафар мураббийни эълон қилди.
Биринчи ўринни «Манчестер Сити»нинг амалдаги бош мураббийи Пеп Гвардиола эгаллади. Испаниялик мутахассис харидлар учун икки миллиард евродан ортиқ маблағ сарфлаган.
Иккинчи ўринда «Рома» бош мураббийи Жозе Моуриньо жойлашган. Унинг трансферлари учун 1,86 миллиард евро сарфланган. Кучли учликни «Реал Мадрид» устози Карло Анчелотти якунлади – 1,62 миллиард.
Кучли ўнликка шунингдек: Массимилиано Аллегри (1,4 миллиард), Диего Симеоне (1,21), Мануэль Пеллегрини (1,2), Томас Тухель (1,19), Антонио Конте (1,17), Маурисио Почеттино (1,15) ва Юрген Клопп (1,13) кирди.
