Қатарда бўлиб ўтадиган 23 ёшгача бўлган футболчилар ўртасидаги Осиё кубогининг саралаш баҳслари гуруҳ босиқичидан ўрин олган Ўзбекистон – Эрон ўйини якунланди. Тошкентдаги ЖАР стадионида бўлиб ўтган баҳсда вакилларимиз кичик – 1:0 ҳисобида ғалабага эришди.
Ўйиннинг 47-дақиқасида ҳимоячимиз Абдуқодир Ҳусанов кроос узатма билан Аббосбек Файзуллаевни дарвозабон билан бирга-бир вазиятга чиқариб юборди, тўпни ажойиб тарзда ўзига тўхтатиб олган Аббосбек ўйинда ягоналигини сақлаб қолган гол муаллифи бўлди.
Саралашининг E гуруҳида вакилларимиз 3 та ўйинда 3 та ғалаба қайд этиб, 9 очко билан ОКга йўл олди. Эрон эса 6 очко билан гуруҳда иккинчи бўлди.
