"Манчестер Юнайтед" раҳбарияти трансфер олдидан ярим ҳимоячи Жейдон Санчога берган ваъдасини бажармади.
The Athletic нашри хабарига кўра, "манкунианликлар" футболчига еттинчи рақамни беришга ваъда беришган, бироқ кейин ўз фикридан қайтган.
Португалиялик ҳужумчи Криштиану Роналду "Олд Траффорд"га қайтгани учун "қизил иблислар" Санчога берган ваъдасида турмади. Эдинсон Каванидан кейин еттинчи рақам Санчога эмас, беш карра "Олтин тўп" соҳибига ўтди.
Эслатиб ўтамиз, Санчо "Манчестер Юнайтед" жамоасида 25-рақамда ўйнайди. У жамоага 2021 йилнинг ёзида келиб қўшилганди.
