"Интер"нинг собиқ сардори Самир Ханданович фаолиятини якунлаб, янги лавозимда жамоага қайтиш ниятида, дея хабар бермоқда Il Giornale.
Унинг "Интер"даги роли дарвозабонлари ва клуб учун потенциал мақсадларни диққат билан кузатиб бориш, шунингдек, унинг тажрибасидан жамоанинг ҳозирги ўйинчиларига ёрдам ва маслаҳат беришда фойдаланишни ўз ичига олади.
39 ёшли дарвозабон 2022/23-йилги мавсум якунида шартнома муддати тугагани сабабли “нерадзуррилар”ни тарк этган эди. Миш-мишларга кўра, словениялик посбон бошқа клубда ўйнаш вариантларини кўриб чиқаётган эди, бироқ мос таклиф олмаган.
Ханданович жамоадаги 11 йиллик фаолияти давомида “Интер” сафида жами 455 та ўйин ўтказди. Бу вақт ичида у битта А Серия ғолиби, шунингдек, яна иккита Италия кубоги медалини қўлга киритди.
