"Манчестер Юнайтед" ёзги трансфер ойнасининг сўнгги кунларида қанот ҳимоячиси Жейдон Санчо учун қанча нарх талаб қилгани маълум бўлди.
The Athletic нашри хабарига кўра, "манкунианликлар" англиялик футболчи учун камида 75 миллион евро олишни хоҳлашган.
Саудия Арабистони клублари Санчо хизматларига жиддий қизиқиш билдиришди, бироқ жамоаларнинг ҳеч бири керакли пулни тўламади. "Манчестер Юнайтед" Жейдон билан хайрлашишга қарши эмасди, аммо клуб икки йил аввал 80 миллион евро тўлаган футболчисини арзонга сотмоқчи эмасди.
Санчо айни дамда бош мураббий Эрик тен Хаг билан зиддиятда. Нидерландиялик мутахассис аввалроқ футболчини машғулотларга ёмон муносабатда бўлганликда айблаган эди.
