Россиянинг энг гигант концернларидан бири «Газпром» МЧЖ Мюнхеннинг «Бавария» клуби ҳомийсига айланиши мумкин. Бу ҳақда «Bild» нашри хабар тарқатди.

Олдинроқ икки томон ҳомийлик борасида музокаралар олиб борган, бироқ келишув тўхтаб қолганди. Энди ушбу музокаралар қайтадан тикланди.

Шунингдек «Бавария» президенти Франц Беккенбауэр «Россия газ ҳамжамияти» элчиси бўлгани борасида ҳам хабарлар тарқатилганди. Аммо клуб ҳам «Газпром» ҳам бу хабарга изоҳ бериб ўтмаганди.

Қайд этиб ўтиш жоиз, Россия федерацияси президенти Туркияга ташрифи давомида «Газпром» маҳаллий «Антальяспор» клубига ҳомийлик қилиши мумкинлигини ҳам маълум қилганди.

Эслатиб ўтамиз, «Газпром» 2007 йилдан буён Германиянинг бошқа бир жамоаси «Шальке 04»га ҳомийлик қилиб келмоқда.