Сешанба оқшомида Англия терма жамоаси ўртоқлик учрашувида Шотландияни 3:1 ҳисобида мағлуб этди.
Голлардан бирини ярим ҳимоячи Жуд Беллингем киритди. Ўйиндан сўнг у ижтимоий тармоқларда мухлисларга мурожаат қилиб пост қолдирди.
«Ўртоқлик учрашувидан кўра кўпроқ эмоция тақдим эта олдик. Сизга ёқдими, Англия мухлислари?», – дея ёзди Беллингем.
Айтиш жоизки, Англия ва Шотландия жамоалари ўртасидаги қарама-қаршилик принципиал ҳисобланади.
Клуб даражасида Жуд Беллингем «Реал Мадрид»да ўйнайди. Мадрид клуби учун тўртта ўйинда инглиз футболчиси бешта гол урди ва жамоадошига битта голли узатма берди.
