Жанубий Америка футбол конфедерацияси (КОНМЕБОЛ) Twitter'да ЖЧ-2026 саралаш турнирининг дастлабки икки босқичининг рамзий терма жамоасини эълон қилди.
Ташкилот энг яхши 11 нафар футболчи рўйхатига Камило Варгас (Колумбия), Николас Тальяфико (Аргентина), Феликс Торрес (Эквадор), Кристиан Ромеро (Аргентина), Александр Гонсалес (Венесуэла), Никола Де Ла Крус (Уругвай), Матиас Вильясанти (Парагвай), Анхель Ди Мария (Аргентина), Родриго (Бразилия), Неймар (Бразилия) ва Лионель Мессини (Аргентина) киритди.
Икки турдан сўнг Бразилия терма жамоаси ЖЧ-2026 саралаш босқичида Жанубий Америкада 6 очко билан пешқадамлик қилмоқда, улар фақат тўплар нисбати бўйича Аргентинадан олдинда.
