"Бавария" раҳбарияти ва Томас Тухель ўртасида келишмовчилик борга ўхшайди. Биринчидан, клуб раҳбарияти унга трансферларда ҳал қилувчи роль ўйнамаслигини тушунтирди - демак, улар узоқ муддат унга ишонишлари даргумон.

Иккинчидан, улар, қўпол қилиб айтганда, Тухелнинг оғзини ёпишга ҳаракат қилмоқдалар - унга жамоада бўлаётган воқеаларга салбий нуқтаи назардан изоҳ беришни тақиқлашмоқда, деб хабар беради Bild. Тухель эса ҳамма нарсага айнан шундай қарашга мойил одам эканлигини тушуниш керак, чунки унинг "ПСЖ" ва "Челси"даги раҳбарият билан муносабатлари ҳам тезда ёмонлашган.