"Атлетико Мадрид" президенти Энрике Сересо ҳужумчи Жоау Феликснинг "Барселона"даги истиқболлари ҳақида ўз фикрлари билан ўртоқлашди.
Каталония клуби португалияликни жорий мавсум охиригача "матрасчилар"дан ижарага олди, аммо мадридликлар форварднинг асосий маошини тўлашда давом этади.
"Мен Жоау барчага ўз иқтидорини кўрсатиши тарафдориман. У яқин икки йил ичида Европанинг энг яхши футболчиларидан бирига айланиши мумкин ва мен унинг “Барселона”да муваффақият қозонишига ишончим комил. Аммо шуни эслатиб ўтаманки, Феликс ҳамон “Атлетико”га тегишли”, — деб Сересо сўзларини келтиради Mundo Deportivo.
"Барселона"да Жоау Феликсни сотиб олиш имконияти йўқ. 23 ёшли футболчининг "Атлетико" билан шартномаси 2029 йилгача мўлжалланган.
