"Интер"нинг чап қанот ҳимоячиси Федерико Димарко ўз жамоасида муваффақиятга эришганини табиий деб ҳисоблайди.
Болалигидан “нерадзуррилар”ни қўллаб-қувватлаб келаётган 25 ёшли футболчи ўз фаолиятини жамоа академиясидан бошлаган бўлса-да, дарҳол асосий жамоага кира олмади. Ўтган мавсумда италиялик ҳимоячи Симоне Индзаги жамоасида Чемпионлар лигаси финалига қадар муҳим роль ўйнади.
“Албатта, “Интер”да ўйнашни хоҳлаганим ҳам муҳим роль ўйнади, аммо бу ерда ўйнаш учун кўп меҳнат қилишим керак эди. Мен бунга лойиқман, деб ўйлайман. Ўтмишга назар ташласам, "Интер" либосини кийиш учун қилган саёҳатимдан жуда фахрланаман", - деди Димарко.
